| |
Lou Roussignòu  
Parouli da Jouan Nicola, mùsica da Marius Ausello. Tradiciounel de la countéa de Nissa.
| 1ié coublet |
Coura vèn lou bèu tems
En la nuech qu’es clara,
La luna que revèn
Soubre de Santa-Clara,
En li pin dòu Castèu
S’aude lou roussignòu
Que canta tant que pòu
En lou siéu nidounòu !
Roulada e trilla
Mounton dòu jardin
Au soubran dai grilla
Dai viei bernardin ! | | Quand vient le beau temps
Dans la nuit qui est claire,
La lune qui revient
Sur Sainte-Claire,
Dans les pins du Château
S’entend le rossignol
Qui chante tant qu’il peut
Dans son [petit] nid !
Roulades et trilles
Montent du jardin
Au-dessus des grilles
Des vieux bernardins (1) ! |
2nt coublet |
La vigna dòu balcoun
Entoura la soufieta
Doun s’aude la cansoun (2)
D’una bruna fiheta.
Escoutèn lou refrèn
Dòu gente troubadour
Que dì lou siéu amour
Ai èco d’alentour.
Lou soulèu espounta
En-là, sus la mar,
E l’auba prounta
Ai riba dòu Var. | | La vigne du balcon
Entoure la mansarde
Où s’entend la chanson
D’une brune fillette.
Écoutons le refrain
Du gentil troubadour
Qui dit son amour
Aux échos alentour.
Le soleil point
Là-bas, sur la mer,
Et l’aube (ne tarde pas)
Aux rives du Var. |
3rs coublet |
Aloura Roussignòu
S’enduerme sus la branca,
La testa couma fòu
Souta la pluma blanca...
Vendrà au calabrun
Per cantà lou printems,
Li flou e lou bèu tems,
En la nuech que vèn !
La roussignouletta,
Per lou siéu roussignòu,
Gounfla la niouleta,
Diguènt : A tu vòu ! | | Alors Rossignol
S’endort sur la branche,
La tête comme il faut
Sous la plume blanche...
Il viendra au crépuscule
Pour chanter le printemps,
Les fleurs et le beau temps,
Dans la nuit qui vient !
La rossignolette,
Pour son rossignol,
Gonfle la luette,
Disant : « À toi je vais ! » |
1. Li grilla dòu counvent dai bernardin.
2. la soufieta | Doun s’aude la cansoun : aquèu vers de Jouan Nicola fan èco à François-Dominique Rondelly, dich Menica Rondelly dins Nissa la bella (2nt coublet) : la soufieta | Doun naisson li cansoun.
Retour à la pàgina mùsica - Aut
© 2001-2025 Jouan-Gabrièu Maurandi.
|
