| |
Segnour e pastressa  
Parouli da Joseph Giordan, dich Jousé Giordan. Tradiciounel de la countéa de Nissa.
Sus l’ària Là-bas dans un pré....
Dèdica da « Moussù L. Barbe. »
| 1ié coublet |
Rosa Madaloun
Dintre lou valloun
Garda lu moutoun
E mé li fea.
Tout en filant zounzouna de cansoun, (bis)
Rosa Madaloun de la Vernea. (bis) | | Rose Madeleine
Dans le vallon
Garde les moutons
Avec les brebis.
Tout en filant elle fredonne des chansons, (bis)
Rose Madeleine de la Vernéa (1). (bis) |
2nt coublet |
Pi, sènsa pensiè,
Souta l’amendiè,
Dapè d’un rousiè,
S’assèta, lassa,
Quoura vèn à passar un cavaliè (bis)
Que s’en revèn, soulet, da la cassa. (bis) | | Puis, sans y penser,
Sous l’amandier,
Près d’un rosier,
Elle s’assied, lasse,
Quand vient à passer un cavalier (bis)
Qui s’en revient, seul, de la chasse. (bis) |
3rs coublet |
« Mi plasés touplen :
As de blanqui dènt,
Un bèu pichoun pèn,
La camba fina ;
Laissa l’aver, auras mile autre bèn, (bis)
Li dì lou segnour qu’a bouona mina. (bis) | | « Tu me plais beaucoup :
Tu as de blanches dents,
Un beau petit pied,
La jambe fine ;
Laisse le troupeau, tu auras mille autres biens, (bis)
Lui dit le seigneur qui a bonne mine. (bis) |
4e coublet |
— Noun ! Pèr lou palai,
Quiterai jamai
Lou prat e lou nai,
E la vastièra ;
Dei miéu soucit, pichounet es lou fai, (bis)
De la miéu vida libra siéu fièra. (bis) | | — Non ! Pour le palais,
Jamais je ne quitterai
Le pré et le rouissoir (2),
Et la bergerie (3) ;
De mes soucis, petit est le fardeau, (bis)
De ma vie libre je suis fière. (bis) |
5e coublet |
— Bertrand dòu Puget,
Feraud, Blacasset,
Faran de sounet,
De vilanella.
Canteran serventés e trioulet, (bis)
Lu troubaire, pèr tu, la pu bella. (bis) | | — Bertrand du Puget,
Féraud, le petit Blacas,
Feront des sonnets,
Des villanelles.
Ils chanteront des sirventes et des triolets, (bis)
Les troubadours, pour toi, la plus belle. (bis) |
6e coublet |
— Bouscarla, gourióu,
Quinsoun, aurióu,
Au temp dóu renóu,
Mi fan l’aubada,
E pi, la nuèch, audi lou roussignóu (bis)
Que mi fa li pu tèndri roulada. (bis) | | — Fauvettes, alouettes (4),
Pinsons, loriots,
Au temps du renouveau,
Me font l’aubade,
Et puis, la nuit, j’entends le rossignol (bis)
Qui me fait les plus tendres roulades. (bis) |
7e coublet |
— Amount, au castèu,
Auras de jouïèu,
Decide-ti lèu,
Genta pastressa !
Pèr tu, noun li serà rèn de proun bèu ; (bis)
Dóu tiéu segnour seras la mestressa. (bis) | | — Là-haut, au château,
Tu auras des joyaux,
Décide-toi vite,
Gentille bergère !
Pour toi, il n’y aura rien de trop beau ; (bis)
De ton seigneur tu seras la maîtresse. (bis) |
8e coublet |
— Dintre d’aquéu cas,
Segur, vous troumpas,
Ah ! Laissès en pas
La pastourella :
La róuba de fustagna mai mi plas (bis)
Qu’aqueli de seda o de dentella. (bis) | | — Dans ce cas,
Sûr, vous vous trompez,
Ah ! Laissez en paix
La bergère :
La robe de futaine (5) mieux me plaît (bis)
Que celles de soie ou de dentelles. (bis) |
9e coublet |
— Bouscatiè, paisan,
Bourgués, artisan,
A Berra, vendran
Ti rèndre ómage ;
Flourin e ducatoun ti pouorteran, (bis)
Auras li miéu riquessa en partage. (bis) | | — Bûcherons, paysans,
Bourgeois, artisans,
À Berre, viendront
Te rendre hommage ;
Des florins (6) et des petits ducats (7) ils te porteront, (bis)
Tu auras mes richesses en partage. (bis) |
10e coublet |
— L’or e lu ounour,
Li vouostri grandour
E lu vers d’amour
Dei fier troubaire
N’auran jamai la suava douçour (bis)
Dei baïeta dóu miéu calignaire. » (bis) | | — L’or et les honneurs,
Vos grandeurs
Et les vers d’amour
Des fiers troubadours
N’auront jamais la suave douceur (bis)
Des baisers de mon amoureux. » (bis) |
1. La Vernea : un masage dapé Contes.
2. Nai : lou pichin bassin doun si metava li manada de cànebe o de lin à naià.
3. Vastièra : lou parc doun s’estrema l’aver.
4. Goriòu o gourióu : aucèu que frequenta lu prat, sorta de calàndra.
5. Frustagna o fustagna : estofa resistenta per lu abit de cada jou.
6. Flourin : mounèda en or ouriginari de Flourença, utilisada en touta l’Europa dau XIIIe sècoulou.
7. Ducatoun : pichin ducat.
Retour à la pàgina mùsica - Aut
© 2001-2025 Jouan-Gabrièu Maurandi.
|
