| |
Se vàutre sias countènt  
Parouli da Nicolas Saboly, dich Micoulau Sabòli. Tradiciounel de Prouvença.
Sus l’ària Vous dirai bèn soun noum.
Aquel nouvé termina lou 5e caié que countene 8 nouvé, publicat en 1671 da Michel Chastel. Aparèisse mé lou nùmero 39 dins la reedicioun da Fr. Seguin.
| 1ié coublet |
Se vàutre sias countènt
De ce qu’ai di dei pastre,
Vous dirai quaucarèn
Dei Rèi de l’Ouriènt,
Que van après un astre
Jusques en Betelèn. | | Si vous autres vous êtes content
De ce que j’ai dit des pâtres,
Je vous dirai quelque chose
Des Rois de l’Orient (1),
Qui vont après un astre
Jusqu’en Bethléem. |
2nt coublet |
Élei, tout en passant,
Vèson lou Rèi Erode
E li dison que van
Vèire un rèi fort puissant ;
Que, s’an lou tèms coumode,
Dins trei jour tournaran. | | Eux, tout en passant,
Voient le roi Hérode
Et lui disent qu’ils vont
Voir un roi très puissant ;
Que, s’ils ont un temps commode,
Dans trois jours ils retournent. |
3rs coublet |
E coume fan grand cas
De la nouvello estello,
La segon pas à pas ;
Lei meno dins un jas
Vount èro uno piéucello
Em’ un enfant au bras. | | Et comme ils font grand cas
De la nouvelle étoile,
Ils la suivent pas à pas ;
Elle les mène dans une bergerie
Où était une pucelle
Avec un enfant au bras. |
4e coublet |
Après qu’an amira
Lou bèu rèi que cercavon,
Toui tres l’an adoura
E pièi l’an ounoura
Dei presènt que pourtavon,
E se soun retira. | | Après qu’ils ont admiré
Le beau roi qu’ils cherchent,
Tous les trois l’ont adoré
Et puis l’ont honoré
Des présents qu’ils portaient,
Et se sont retirés. |
5e coublet |
Erode cependant
Espèro lei nouvello,
Leis armos à la man,
Pèr ana quantecant,
Dins sa ràbi cruello,
Faire mouri l’Enfant. | | Hérode cependant
Attend les nouvelles,
Les armes à la main,
Pour aller tout de suite,
Dans sa rage cruelle,
Faire mourir l’Enfant. |
6e coublet |
L’Ange, que lou counèi,
Vèn averti lei Mage :
Tournés plus vers lou Rèi,
Car n’a ni fe ni lèi :
Cresès-me, se sias sage,
Leissas l’aqui vount èi. | | L’Ange, qui le connaît,
Vient avertir les Mages :
Ne retournez plus vers le Roi,
Car il n’a ni foi ni loi :
Croyez-moi, si vous êtes sages,
Laisser-le là où il est. |
7e coublet |
Élei sorton dóu jas
Plus vite qu’uno vèro ;
S’envan d’un autre las ;
Erode lou saup pas,
Encaro leis espèro
Em’un grand pan de nas. | | Eux sortent de la bergerie
Plus vite qu’une flèche ;
Ils s’en vont d’un autre côté ;
Hérode ne le sait pas,
Encore il les attend
Avec un grand morceau de nez. |
1. Rèi de l’Ouriènt : Gaspart, Melchior, Baltazar.
| Bibliougrafìa | | • | Saboly (Nicolas), Noés nouveous de l’an M. DC. LXXI. (Nouvé nouvèu per l’an 1671), Michel Chastel estampadour de Sa Santità, Avignon, 1671, p. 14-15. | | • | Saboly (Nicolas), Recueil des noëls composés en langue provençale (Recuei dei nouvé coumpousat en prouvençau), reedicioun Fr. Seguin, estampadour-editour, Avignon, 1856, p. 47. |
Retour à la pàgina mùsica - Aut
© 2001-2025 Jouan-Gabrièu Maurandi.
|
